Sewing Machine: AP లోని మహిళలకు ఈరోజు నుండే ఉచిత కుట్టు మిషన్ల పంపిణి పథకం ప్రారంభం – పూర్తి వివరాలు!

Last Updated on 17/04/2025 by Krithik Varma

Sewing Machine: ఆంధ్రప్రదేశ్ ప్రభుత్వం రాష్ట్ర మహిళలకు అండగా నిలుస్తూ ఉచిత కుట్టు మిషన్ల పథకాన్ని ప్రారంభిస్తోంది. ఈ పథకం ద్వారా BC మరియు EWS కులాలకు చెందిన మహిళలకు ఉచితంగా కుట్టు మెషిన్ అందించడంతో పాటు శిక్షణ కూడా ఇస్తారు. ఈ పథకం ఎప్పుడు ప్రారంభమవుతుంది, ఎలా దరఖాస్తు చేసుకోవాలి, ఏ డాక్యుమెంట్స్ అవసరం మరియు ట్రైనింగ్ వివరాల గురించిన ముఖ్యమైన వివరాలను ఇప్పుడు తెలుసుకుందాం.

Sewing Machine పథకానికి ఎవరు అర్హులు?

• కేవలం మహిళలు మాత్రమే ఈ పథకానికి అర్హులు.
• దరఖాస్తుదారులు APలో స్థిర నివాసి అయి ఉండాలి.
• BC / EWS కులాలకు చెందినవారై ఉండాలి.
• వయసు 20-40 ఏళ్ల మధ్య ఉండాలి.
• గ్రామీణ ప్రాంతాల్లో వార్షిక ఆదాయం రూ.1.5 లక్షలు, పట్టణాల్లో రూ.2 లక్షలు మించరాదు.
• వితంతువులు, దివ్యాంగ మహిళలకు ప్రాధాన్యత.
• శిక్షణకు కనీసం 70% హాజరు నమోదు చేసుకున్న వారికి కుట్టు మిషన్ అందజేస్తారు.

దరఖాస్తు ప్రక్రియ ఎలా ఉంటుంది?

ప్రస్తుతం గ్రామ/వార్డు సచివాలయాల ద్వారా మాత్రమే దరఖాస్తులు స్వీకరిస్తారు. ఆన్‌లైన్ అప్లికేషన్ కు అవకాశం లేదు. దరఖాస్తు చేసుకునే వారు కింది డాక్యుమెంట్లు సమర్పించాలి:

• ఆధార్ కార్డు
• ఆదాయ ధ్రువీకరణ పత్రం
• కుల ధ్రువీకరణ పత్రం
• రేషన్ కార్డు
• మొబైల్ నెంబర్
• పాస్‌పోర్ట్ సైజ్ ఫోటో
• దరఖాస్తు ఫారం

పథకం ఎప్పుడు ప్రారంభమవుతుంది?

ఈ పథకాన్ని 2025 మార్చి 8 (అంతర్జాతీయ మహిళా దినోత్సవం)నుంచి ప్రారంభిస్తారు. ఎంపికైన లబ్దిదారులకు ప్రధమంగా శిక్షణ ఇచ్చి, ఆ తర్వాత ఉచిత కుట్టు మిషన్‌ను అందజేస్తారు.

ఎంపిక విధానం ఎలా ఉంటుంది?

• 2024-25లో మొదటి విడతగా 60 నియోజకవర్గాల్లో లబ్దిదారులను ఎంపిక చేస్తారు.
• ప్రతీ నియోజకవర్గానికి 3,000 మంది లబ్దిదారులు ఉండేలా ప్రభుత్వం ప్రణాళిక సిద్ధం చేసింది.
• మొత్తం 1,02,832 మంది మహిళలకు కుట్టు మిషన్ అందించనున్నారు.
• తొలి విడతలో BC మహిళలకు 46,044 యూనిట్లు, EWS మహిళలకు 56,788 యూనిట్లు మంజూరు చేస్తారు.

శిక్షణ ఎలా ఉంటుంది?

• శిక్షణను నియోజకవర్గ స్థాయిలో నిర్వహిస్తారు.
• ఒక్కో శిక్షణ కేంద్రంలో 30-50 మంది మహిళలకు శిక్షణ ఉంటుంది.
• శిక్షణ వ్యవధి 45-90 రోజులు ఉంటుంది.
• 70% హాజరు నమోదైన వారికి మాత్రమే ఉచిత కుట్టు మిషన్ అందజేస్తారు.
• హాజరు రిజిస్ట్రేషన్ మొబైల్ యాప్ ద్వారా నిర్వహిస్తారు.

AP ఉచిత కుట్టు మిషన్ పథకం గురించి ముఖ్యమైన విషయాలు

మొత్తం బడ్జెట్: రూ.255 కోట్లు
మొత్తం లబ్దిదారులు: 1,02,832 మహిళలు
ప్రారంభ తేదీ: మార్చి 8, 2025
దరఖాస్తు మాధ్యమం: గ్రామ/వార్డు సచివాలయాలు
ప్రస్తుత దరఖాస్తు స్థితి: ఇంకా ప్రారంభం కాలేదు

ముఖ్య గమనిక: ఈ పథకానికి సంబంధించి అధికారిక సమాచారం వస్తూనే మన టెలిగ్రామ్/వాట్సాప్ గ్రూప్‌లో షేర్ చేస్తాం. లేటెస్ట్ అప్డేట్స్ కోసం జాయిన్ అవ్వండి!

ఈ ఆర్టికల్ మీకు ఉపయోగకరంగా అనిపిస్తే, ఇతరులకూ షేర్ చేయండి!

ఇవి కూడా చదవండి:-

ఏపీ కౌలు రైతులకు రూ.7 లక్షల ఆర్థిక సహాయం – మంత్రి అచ్చెన్నాయుడు కీలక ప్రకటన

మహిళా దినోత్సవం రోజున అంగన్‌వాడీలకు భారీ శుభవార్త చెప్పనున్న చంద్రబాబు

ఏపీలోని మహిళలకు సువర్ణావకాశం…డ్రైవింగ్ లైసెన్స్, ఆధార్ కార్డు ఉంటె చాలు

ఫోన్‌పే వాడే వారికి గొప్ప శుభవార్త.. ఉచితంగా గ్యాస్ సిలిండర్ ఇలా పొందొచ్చు!

ఏపీలోని మహిళలకు మహిళా దినోత్సవ కానుక – ఉచితంగా కుట్టు మిషన్లు, దరఖాస్తు చేసుకోండి!

tags: AP Free Sewing Machine Scheme 2025, ఉచిత కుట్టు మెషిన్ పథకం, AP కుట్టు మెషిన్ దరఖాస్తు, AP మహిళా ఉపాధి పథకం, కుట్టు మెషిన్ శిక్షణ